.png)
Gazeta Si – Dapartamenti i Drejtësisë në SHBA, njoftoi se prokurorët federalë po “ekzaminojnë” historinë e votuesve të rremë që mbështetësit e Donald Trump u përpoqën të instalonin për të përmbysur rezultatin e votimit, të plotësuar me certifikata false që u dërguan përfundimisht në Arkivin Kombëtar.
Një përpjekje që përfshiu shtatë shtete (Pensilvania, Xhorxhia, Miçigan, Arizona, Viskonsin, Nevada dhe Nju Meksiko). Zëvendës Prokurorja e Përgjithshme, Lisa Monaco, megjithatë, tha se ajo nuk mund të shtonte asgjë për “hetimet në vazhdim”.
Javën e kaluar, komisioni i Kongresit që heton sulmin në Kapitol Hill, thuhet se po shqyrton akuzën e Donald Trump për një komplot kriminal.
Lajmi u raportua nga gazeta “The Guardian”, duke cituar dy burime dhe duke shpjeguar se si ish-presidenti mund të jetë përfshirë në një sjellje të tillë kriminale për të justifikuar një referim në Departamentin e Drejtësisë. Hetimi bazohet në komunikimet e dorëzuara nga ish-shefi i stafit të Trump, Mark Meadows dhe të tjerë.
Sipas këtyre mesazheve, Trump informoi një numër anëtarësh republikanë të Dhomës së Përfaqësuesve për planin e tij dhe rolin që duhej të luante nënpresidenti i atëhershëm Mike Pence në parandalimin e certifikimit të fitores së Biden.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje