.png)
Në prag të fillimit të procesit për zgjedhjet e pjesshme lokale, kryetari i PD-së, Lulzim Basha ka komanduar drejtues qarku të Gjirokastrës, Roland Bejkon.
“Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko.
Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku”, thuhet në njoftimin e Sekretarit të Përgjithshëm të PD-së, Gazment Bardhi.
Bejko zëvendëson Tritan Shehun i rreshtuar me Berishën në drejtuesin politik te qarkut. Ndaj Bejkos pati edhe një incident në protestën e 8 janarit, kur ai u sulmua nga disa mbështetës të Berishës kur po përpiqej të futej në selinë e PD-së aty ku Basha kishte thirrur mbledhje me disa struktura.
Pas komandimit të Bejkos, ka reaguar edhe Tritan Shehu.
“Në mënyrën më komike kërkon edhe sot t’i sundosh ata, tu imponosh Don Kishoter, kur ti vetë je shkarkuar prej kohësh edhe formalisht…”, shkruan ndër radhë Shehu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje