.png)
Sali Berisha është i vetëdijshëm se Lulzim Basha ka mbështetjen e SHBA, por thotë se kjo mbështetje që po i jepet kreut zyrtar të Partisë Demokratike nuk është parimore.
“Fatkeqësisht, sot Bashën nuk e mbështet vetëm Edi Rama, por edhe përfaqësues të vendit të madh të lirisë. Kjo mbështetje është një lojë e rrezikshme për pluralizmin në Shqipëri”, deklaroi Berisha nga Vau i Dejës ku mbajti foltoren e radhës.
Sipas Berishës, Ambasada e SHBA e ka marrë peng me dosjen e lobimit në Uashington dhe akuzat për pastrim parash,
“Kë po mbështesin ata me përkrahjen ndaj Lul Bravës? Ai peng i tyre, i marr me dosjen Muzin. Lulzim Basha është i marr peng me një dosje për larje parash në SHBA dhe Tiranë. Ai firmosi që për të mos shkuar në burg, do të largonte Sali Berishën nga politika. Kjo është e vërteta”, tha Berisha.
Akuzat u shqiptuan në ditën që në gjashtë bashki, Komisioni i Rithemelimit i ngritur nga Kuvendi i 11 dhjetorit po organizon primaret për kandidatët në gjashtë bashkitë ku më 6 mars mbahen zgjedhjet e pjesshme vendore. Vau i Dejës nuk bën pjesë te këto bashki.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje