.png)
Rreth 3000 artistë do të performojnë në ceremoninë hapëse të Lojërave Olimpike dimërore të Pekinit dhe 95% e tyre do të jenë të rinj. Është kjo një nga risitë e mëdha në raport me ceremonitë hapëse të Olimpiadave të mëparshme.
Drejtori Zhang Yimou e ka ndryshuar qasjen e tij kreative për eventin që nis më 4 shkurt. Nuk do të ketë më një grup performuesish prej 15.000 personash, si në 2008-ën, por një përqendrim tek artistët e rinj.
“Për herë të parë në historinë e Olimpiadave, adoleshentët janë ftuar për të pasur hapësirë në një skenë kaq të rëndësishme, siç është ceremonia e hapjes së Lojërave dimërore”, – shpjegon Wang Jun, nëndrejtor i skuadrës operative të stadiumit kombëtar dhe drejtor i “Performance and Ceremony Division, Department of Opening and Closing Ceremonies” të komitetit organizator.
Prania e një numri kaq të madh të rinjsh në ceremoninë e hapjes është në linjë me udhëzimet e edukimit olimpik, sipas Wang. “Performuesit tanë janë djem të zakonshëm, shumica e tyre nuk kanë performuar më parë, por kanë reaguar shumë mirë ndaj vështirësive dhe janë impenjuar për ta përmbushur detyrën e tyre”, – përfundon Wang.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje