.png)
Një tjetër event i madh sportiv ndërkombëtar do të zhvillohet këtë vit në Shqipëri. Bëhet fjalë për Kampionatin Europian të Peshëngritjes 2022, që do të zhvillohet në Tiranë në muajin maj, kur do të zhvillohet edhe finalja e Ligës së Konferencës në stadiumin “Air Albania”.
Një lajm i bujshëm ky, i bërë i ditur nga presidenti i Komitetit Olimpik Kombëtar Shqiptar, Fidel Ylli, si dhe nga presidenti i Federatës Shqiptare të Peshëngritjes Elez Gjoza, gjatë një konferencë për shtyp. Europiani i Peshëngritjes 2022 në fakt ishte programuar për në Bullgari, por tashmë ai do të organizohet në vendin tonë.
Briken Calja dhe peshëngritësit e tjerë shqiptarë do të kenë kështu mundësinë t’i festojnë medaljet e tyre përpara publikut shqiptar. Po këtë vit në Shqipëri do të zhvillohen edhe zgjedhjet për Federatën Botërore të Peshëngritjes, si dhe Europiani i U-20 dhe U-23. Në maj Tirana do të jetë kryeqyteti i peshëngritjes europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje