.png)
Një ngjarje dramatike ka ndodhur ditën e mërkurë në Greqi, ku futbollisti shqiptar, Aleksandër Llambi, ka ndërruar jetë në fushën e blertë.
Futbollisti 21-vjeçar, pjesë e Apolon Smirnis, ishte huazuar tek Iliupoli, në kategorinë e tretë të futbollit grek. Ai ka humbur ndjenjat sapo ka nisur ndeshja dhe më pas është dërguar në spital, por nuk ka mundur të mbijetojë. Janë ende të paqarta shkaqet që sollën këtë tragjedi.
Ngjarja shkaktoi shumë reagime, sepse sipas raportimeve nga mediet greke, në fushë mungonte autoambulanca dhe stafet mjekësore. Mediat greke kanë shfaqur disa pamje, ku shihet një autoambulancë në fushë, por duket se ajo ka ardhur me vonesë. Në stadium ishte e pranishme edhe nëna e futbollistit të ri, Aleksander Llambi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje