.png)
Gjatë seancës së sotme plenare Kuvendi ka marrë disa vendime të rëndësishme për çështje që ishin në rendin e ditës. Është miratuar marrëveshja e krijimit të një qendre të përbashkët policore dhe doganore me Greqinë.
Kuvendi e ka miratuar këtë marrëveshje me 110 vota pro dhe 1 kundër, ndërkohë që me 111 vota pro dhe asnjë kundër është miratuar edhe projektligji “Për ratifikimin e konventës për dhunën dhe ngacmimin” të Organizatës Ndërkombëtare të Punës 1986”.
Kuvendi ka zgjedhur gjithashtu me 100 vota pro, 6 kundër dhe 4 abstenim Gent Sejkon si anëtar të Këshillit Mbikëqyrës të Bankës së Shqipërisë.
Në rendin e ditës për seancën e sotme ishte dhe projektvendimi “Për miratimin e strukturës, organikës dhe klasifikimit të pagave të personelit të Komisionit Qendror i Zgjedhjeve”, që u miratua me 105 vota pro, 2 kundër dhe 3 abstenim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje