.png)
Në takimin me demokratët e degës numër 4 të Tiranës ku i pranishëm ishte edhe ish-nënkryetari i PD-së, Alfred Rushaj i zëvendësuar nga Enkelejd Alibeaj, kryetari i PD-së, Lulzim Basha tha se opozita ka dy rrugë përpara: “Opozitë ballore, pa kompromis ndaj Edi Ramës dhe e dyta të mbetemi parti e vlerave euroatlantike”.
Zgjedhjet e pjesshme lokale, Basha i sheh në një prizëm:
“Këto janë zgjedhjet; o me demokratët për demokratët, o me Ilir Metën për Ilir Metën, që do të thotë për Edi Ramën. Të tjerat janë broçkulla. Dhe se kam fjalën vetëm për 6 marsin, e kam fjalën për gjithë iniciativat. Shikoni si bëhen bashkë kur iu cenohen interesat! E mbani mend në 2018-ën, iniciativën për vettingun politik? Sigurisht që e mbani mend. Pse në 2018-ën edhe Sali Berisha edhe LSI e firmosën dhe sot janë kundër? Pse? Pse janë kundër sot? Sot që e kanë bërë malin e akuzave kundër meje, kundër bashkëpunëtorëve të mi, më të lartë se malin e Dajtit, unë iu them merrini këto akuza, çojini në SPAK, unë i pari shkoj në SPAK, dhe bashkë me mua të vini ju të dy, Edi Rama, gjithë ministrat dhe ish-ministrat e tij, gjithë politikanët shqiptarë, dhe atje të bëhet vettingu i politikanëve”.
Basha përsëriti se Edi Rama, Sali Berisha dhe Ilir Meta janë bëre bashkë për të shkatërruar Partinë Demokratike secili për arsyet e veta.
“A do jetë Partia Demokratike partia e demokratëve apo do jete shtëpia e Ilir Metës? Njëri do të mbrohet për hallin e vet, do të fusin kokën për hallin e vet, tjetri do të marrë votat e demokrateve t’i çojë tek Edi Rama. Këto janë dy zgjedhjet, tjerat janë propagandë. Unë e di që jemi të qartë, po e di që jashtë kësaj salle ka anëtarë të Partisë Demokratike, simpatizantë tanët, votues tanët të 25 prillit, votues që do na kishin votuar me 25 prill, por patën lloj-lloj pengesash që s’kam ndërmend, por ju e dini se çfarë pengesash, pengesat e masakrës zgjedhore, po edhe një skepticizëm a ishim apo përfaqësonim me të vërtetë ndryshimin ne…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje