.png)
“President, turma e zemëruar ka rrethuar pallatin presidencial për të të dëbuar!” “Oh po? Ti je këshilltari im, hajde, çfarë propozon për t’i shpërndarë ata?”. “Ju mund të qëlloni njerëz.” “Mmmh, jo, pak shumë …”. “Pra, le të shpikim një epidemi!” “Çfarë ekzagjerimi…”. “Ide! Si thua ta bësh gjuhën ruse të detyrueshme?”.
Presidenti habitet: “Por jo, nuk ka nevojë të mbillet terror!… Më mirë të them diçka më qetësuese: që një meteorit po godet Kievin…”.
Ishte viti 2014 dhe kaloi me të qeshura. Komediani Volodmir Zelenskij argëtoi audiencën televizive, duke luajtur një president të hutuar të Ukrainës, dhe në thelb linja e tij ishte tashmë e përcaktuar. Sot një mijë raketa ruse mund të godasin Kievin, një meteorit, edhe pse presidenti Volodimir Zelenskij e di mirë këtë, pse mërzitet?
Me tonet disi komike të atyre që duhet të qetësojnë investitorët e huaj që ikin, në vend që të ndërtojnë vend strehime për popullatën apo të vendosin sirena kundërajrore, shqetësimi kryesor i “Volo”-s vitin e fundit ka qenë një ligj që të hiqej mësimi i detyrueshëm i gjuhës ruse.
Në fund të fundit, ai e ka bërë gjithmonë të lehtë, edhe kur tha: “Po të shkoja te Putini, do ta shikoja në sy dhe do t’i thosha se lufta në Donbas duhet të përfundojë…”.
Pastaj ndodhi vërtet: emisioni i tij më i suksesshëm, “Sluha Narodu”, (Shërbëtor i popullit), u bë edhe emri i partisë së tij, i dha 70% të votave, vala populiste e lejoi të shkonte seriozisht në Kremlin dhe e bëri të zbulojë se sytë e Carit (lexo:Putini) ishin prej akulli dhe se lufta, jo vetëm nuk do të përfundonte kurrë, por do të kishte arritur sot, me 130 mijë ushtarë rusë në kufi.
“Volo” tani po bën ç’të mundet. Pasi u besoi amerikanëve – përfundoi në përgjimet e Trump, me Donald që i kërkoi atij të hetonte interesat ukrainase të djalit të Joe Biden – ai kuptoi se amerikanët nuk i besonin më atij.
Me presidentin amerikan, i cili javën e kaluar pranoi rrezikun e një “sulmi të vogël” të Putinit, ai u tha: “Unë jam presidenti ukrainas dhe i di problemet më mirë se ai”. Nga Johnson dhe Erdogan, ai u furnizua me armë dhe para. Këtë të hënë do të presë Macron, për të përsëritur se nuk beson në një pushtim të afërt rus, sepse Putini ndoshta nuk ka nevojë për të.
Mjaftoi që ai të lëvizte trupat e tij për të fituar raundin e parë. “Asnjë ushtar i NATO-s nuk do të vdesë kurrë për Kievin”, thotë një diplomat. Asnjë ushtar rus nuk do të hyjë në rrugë tokësore përgjatë frontit lindor, 15 mijë km kufi të minuar, ku Zelenskij ka grumbulluar njerëzit e tij”.
I ndodhu në një skenë shumë të madhe, “Volo” e ka zakon të tërhiqet me ndihmën e “showmen”-ëve të frikësuar dhe sondazhet arrijnë kulmin: ai kishte premtuar të dëbonte oligarkët, por e bëri vetëm me miqtë e Putinit, duke shpëtuar të tijtë. Në 30 vjet pavarësi, Ukraina ka pasur tashmë pesë presidentë, dy revolucione, një pushtim, një shkëputje dhe një luftë.
Klasa e saj politike e korruptuar, ka rekordin botëror për sa i përket jo-popullaritet, ku vetëm 9% e tyre u besojnë pushtetarëve dhe “Volo” ëndërronte të ishte një Regan, ose të paktën një Schwarzenegger.
Por ai duhet të mbijetojë: për t’u përballur me një luftë të mundshme, ai mendon se e vetmja zgjidhje është të përfshihet në një Koalicion të Madh me armikun Petro Poroshenko, ish-presidentin miliarder, madje edhe me gruan me gërsheta, të urryerën Yulya Tymoshenkon.
Konferencat e tij për shtyp, janë tani ngacmimet e preferuara të ish-komedianëve të tij. Ai i beson vetëm gruas së tij, Olenës, e cila i shkruan batuta që në ditët e televizionit.
Më e mira, ditën kur u shfaqën llogaritë ‘offshore’ të çiftit Zelenskij në Ishujt e Virgjër: “Paratë? Më duhen, pasi kam nevojë të qëndroj i pavarur nga politika”.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje