.png)
Gazeta Si – Curling sport modern dhe i lehtë? Jo, aspak. Origjina e curling, në fakt, lidhet me Skocinë mesjetare. Le të shohim cilat janë sekretet e një disipline antike, që pas medaljes së artë të fituar nga italianët Stefania Constantini dhe Amos Mosaner në dopion mikse në Pekin 2022, ka shtuar shumë kuriozitetin.
Gjurmët e para të kësaj disipline sportive janë zbuluar në Skocinë mesjetare: dokumenti i parë i shkruar i një sfide në akull me gurë u përket regjistrave të Renfrewshire, në vitin 1541. Curling është një sport skuadre, që luhet në një sipërfaqe të niveluar, me gurë të rëndë graniti të lëmuar dhe me një dorezë. Janë gurë që vijnë nga guroret e Skocisë dhe Uellsit.
Nëse ju duket një sport i lehtë dhe i mërzitshëm, me pak lëvizje, duhet të ndërroni mendje. Kërkohet shumë impenjim dhe lodhje e përqendrim, detaje që e nuk e bëjnë një sport të praktikueshëm për të gjithë. Një ndeshje zgjat dy orë e gjysmë dhe gjatë saj sportistët lëvizin një gur që peshon 18.6 kilogramë. Stërvitja është masakruese dhe nuk mungojnë dëmtimet në bërryla, në shpinë dhe në gjunjë.
Për rregullat e lojës janë të shumtë ata që kanë pyetur këto ditë të Olimpiadës dimërore. Lojtarët, të ndarë në dy skuadra, rrëshkasin gurët drejt një zone të ckatuar, të quajtur “shtëpi”, e shenjuar me tre unaza koncentrike. Fusha është e gjatë 45 metra dhe e gjerë 4.5 metra. Fshesa përdoret për të pastruar akullin gjatë rrëshkitjes së gurit dhe shpesh përdoret edhe si mbështetje gjatë hedhjes, për të udhëhequr trajektoren dhe shpejtësinë.
Garat ndërkombëtare janë të ndara në 10 duar, ku secila përfundon kur çdo lojtar i të dyjka skuadrave ka lëshuar dy gurë nga njëri ekstrem i fushës drejt “shtëpisë” në krahun e kundërt, për një total prej 16 gurësh. Fiton skuadra që mbledh më shumë pikë. Në nivel ndërkombëtar, çdo skuadër ka në dispozicion 73 minuta kohë për të kompletuar hedhjen e gurëve. Strategjia është një pjesë më vete, curling është mbi të gjithë një lodhje e jashtëzakonshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje