.png)
Gazeta Si – Lojërave Olimpike dimërore Pekin 2022 u ka ardhur fundi. Ceremonia e mbylljes është programuar për sot, në orën 13:00. Tabelën e medaljeve e kryeson Norvegjia, me 37 medalje, 16 nga të cilat të arta, e ndjekur nga Gjermania me 27 medalje në total, 12 të arta.
Medalja e fundit e artë ka shkuar për Finlandën, që mundi 2-1 Rusinë në finalen e hokeit në akull për meshkuj, ndërsa medaljen e bronzit e ka fituar Sllovakia. Për Finlandën është medalja e parë e artë në hokein në akull.
Në garën e gjatë të skive, 30 kilometra, dominoi norvegjezja monstruoze Therese Johaug. Kjo është medalja e tretë e artë për të dhe medalja e katërt olimpike, duke llogaritur edhe stafetën e Vankuverit. Medaljen e argjendtë e fitoi amerikanja Jessie Diggins dhe të bronzit finlandezja Niskanen.
Pas tripletës në podin e ‘bob për 2’, gjermanët kanë regjistruar një dopietë në ‘bob për 4’. Medalje ari për ekuipazhin e drejtuar nga Francesco Friedrich, që arrin kështu një sukses të dyfishtë, siç bëri edhe në ‘PyeongChang 2018’, duke u shndërruar në një legjendë tashmë. Në vend të dytë ekuipazhi tjetër gjerman i Johannes Lochner dhe në vend të tretë kanadezët e drejtuar nga Justin Kripps.
Në kurling për femra ka fituar medaljen e artë Britania e Madhe, që mundi Japoninë 10-3.
Në garën e ‘team event’ ka triumfuar Austria, që mundi Gjermaninë. Në finalen për medaljen e bronzit Norvegjia mundi SHBA-të. Mikaela Shiffrin, në tentativën e 6-të në këto Lojëra, ka humbur sërish, këtë herë ndaj Stjernesund. Amerikanja mbetet pa medalje, edhe pse ka garuar në 6 disiplina, duke mbyllur kështu një Olimpiadë makthi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje