.png)
Gazeta Si – Në stadiumin “Foleja e Zogut” të Pekinit është zhvilluar sot ceremonia e mbylljes së Lojërave Olimpike dimërore. Një ceremoni spektakolare e një aktiviteti, që përtej ndonjë problemi që pati, dhuroi emocione të mëdha. Shqipëroi u përfaqësua me skiatorin Deni Xhepa, i cili përfundoi vetëm një garë.
Pas parakalimit të sportistëve dhe delegacioneve të gjithë vendeve me flamujt e tyre, ishte radha e një spektakli unik, ndërkohë që është bërë edhe dorëzimi i stafetës mes Pekinit dhe Milano-Kortina, ku presidenti i CIO-s, Tomas Bah, u ka dorëzuar flamurin olimpik Salës dhe Ghedinës, kryebashkiakëve të Milanos dhe Kortinës, ku do të zhvillohet Olimpiada dimërore e 2026-ës.
Numrat koreografikë deri në momentin e shuarjes së flakës olimpike ishin mjaft të bukur. Bie një flok dëbore, ngrihen rrathët olimpikë dhe flaka brenda fiket, duke mbyllur Olimpiadën.
Presidenti Bah ka deklruar zyrtarisht mbylljen e Pekin 2022, ndërsa Kina ka falënderuar të gjithë vullnetarët që ndihmuan në mbarëvajtjen e këtyre Lojërave, që zgjatën 16 ditë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje