.png)
Kryetarja e LSI, Monika Kryemadhi dhe ish-kryeministri Sali Berisha ishin bashkë në tryezën me intelektualët organizuar në Dibër në mbështetje të kandidatit Premtim Kryemadhi.
“Sot Dibra ka retë e zeza mbi kokë. Shpopullimi që i ka ndodhur Dibrës po e varfëron vendin. Varfëria në njerëz është më e madhe se varfëria materiale.
Si mund të kërkoj votën për Premtim Kryemadhin?! Nuk është turp, është detyrë të kërkosh votën për njeriun tënd, pavarësisht se jemi në parti të ndryshme. Rilindja e ka kthyer fjalën ‘familje’ në diçka të turpshme. Por familja është e shenjtë. Ata që nuk duan familjen, nuk kanë se si të duan shqiptarët e dibranët.
Për Premtim Kryemadhin e kam detyrim familjar të kërkoj votën. E kam detyrim krahinor. Dua t’u bëj thirrje të gjithë dibranëve në Tiranë dhe Durrës, por edhe ata që janë emigrantë, të bëjnë thirrje për të votuar Premtim Kryemadhin. Por edhe të votojnë për Ardian Mukën sepse jemi kaq shumë dhe duhet të mblidhemi për të larguar retë e zeza mbi kokën tonë,” tha Kryemadhi.
Sipas saj, Ballkani i Hapur e ka shkatërruar bujqësinë, ndërsa rreziku rus është kaq afër, pasi bazat e tyre janë në Serbi. Kryemadhi e mbylli sërish me një mesazh për Premtim Kryemadhin.
“Unë nuk të them kandidat, por të them kryetar se edhe sondazhet e Rilindjes të nxjerrin fitues. Por sado i mirë të jetë rezultati, mos ndaloni për asnjë moment se edhe një votë bën ndryshimin,” tha Kryemadhi.
Edhe Berisha kërkoi votën për Kryemadhin.
“Ju ftoj këto ditë që na kanë mbetur, të bëjmë gjithçka për të bindur çdo qytetar të Dibrës të votojë për Premtim Kryemadhin dhe ju garantoj se me përkushtim të madh, do përdorë pushtetin e tij në shërbim të qytetarëve,” tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje