.png)
Gazeta Si – Kievi ka kërkuar zhvendosjen e vendit të raundit të ri të bisedimeve me Moskën nga Bjellorusia në një nga vendet fqinje.
Pas “jo”-së së Moskës, delegacioni ukrainas nuk duket se është gati të paraqitet në vendin e dakorduar, në rajonin e Brest-it të Bjellorusisë.
Kjo u raportua nga Yury Voskresensky, një analist bjellorus i afërt me organizatorët e takimit: “Delegacioni rus, – shpjegon ai, – është i gatshëm t’i mbajë negociatat vetëm në Bjellorusi për të shmangur provokimet”.
Sipas tij, “Kievi e ka refuzuar Belaya Vezha si një vend për bisedime. Ata propozuan transferimin e tyre në vendet fqinje”.
Sipas Voskresensky, delegacioni ukrainas nuk u paraqit në rajonin e Brestit të Bjellorusisë për negociatat që ishin paralajmëruar për mbrëmë dhe më pas u zhvendosën këtë të enjte.
Nëse do të takohen, Rusia dhe Ukraina pritet të diskutojnë për arritjen e një armëpushimi.
Sesioni i parë i negociatave u zhvillua në rajonin Gomel të Bjellorusisë më 28 shkurt. Palët gjetën disa pika ku mund të projektoheshin qëndrime të ngjashme dhe ranë dakord për të vazhduar procesin e diskutimeve, sipas shefit të delegacionit rus Vladimir Medinsky.
Por për të pasur bisedime reale mbi një armëpushim, sipas Presidentit ukrainas Volodymiy Zelensky, Rusia duhet të ndalojë bombardimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje