.png)
Para kryetarëve të degëve të Partisë Demokratike, Lulzim Basha ka shpalosur të njëjtin qëndrim që ndau me grupin parlamentar, duke u shprehur i gatshëm për çdo vendimmarrje, pa përmendur dorëheqjen, por duke përjashtuar Sali Berishën nga e ardhmja e PD-së.
Faturën e humbjes dhe rezultatit të dobët të gjashtë marsit, Basha ja faturon përjashtimit të Berishës më 9 shtator, por u tha kryetarëve se grupi parlamentar i qëndron ende këtij vendimi edhe pas 6 marsit.
“Këtu nuk ndodhemi prej gabimeve, por për shkak të vendimit të 9 shtatorit. Grupi i qëndroi vendimit të 9 shtatorit. E kuptojmë se nuk kemi shans me një non grata”, shtoi ai.
Rikthimin e Berishës e cilësoi si katastrofik për PD-në.
“Ajo që na vlen sot është një diskutim me përgjegjësi i Kolegjit të Kryetarëve pasi ky kolegj mban peshën më të madhe. 9 Shtatorin nuk e zhbëjmë, dot nëse nuk duam të zhbëjnë PD. Duhet të tregojmë mençuri të bashkojmë PD, që të arrijmë sukses elektoral”, citohet Basha.
Sipas tij, pakënaqësia e qytetarëve nga qeverisja e Ramës është e madhe dhe detyra e PD-së është që sa më parë të jetë në shërbim të qytetarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje