.png)
Në Partinë Demokratike po evidentohen dukshëm tre rryma njëra që kërkon bashkimin e të gjitha palëve ku në garë të jetë edhe Berisha, tjetra që kërkon largimin e Bashës dhe hapjen e një gare për kryetar por pa përfshirjen e Sali Berishës dhe tjetra që thotë se zgjidhja me e mire për PD-në është Basha kryetar.
Nga mbledhja e fundit e grupit parlamentar e PD-së u kuptua qartë nga besniket e Lulzim Bashës, Jorida Tabaku, Enkelejd Alibeaj dhe Gazment Bardhi që Basha të dorëhiqej por me kushtin që as Berisha të mos i qasej PD. Që në një farë mënyrë do të thotë hapja e një gare me emra të paracaktuar.
Ervin Salianji aktualisht nënkryetar i grupit parlamentar i PD-së që ka folur më shkoqur për dorëheqjen e Bashës komentoi në Facebook se humbësi nuk mund të caktojë pasardhësin në parti, pasi përvoja tregoi se kjo ishte një eksperiencë e dështuar, duke iu referuar në këtë rast largimit të Berishës dhe drejtimin në parti nga Basha
“Dorëheqja është akt i ndërgjegjes por dhe normë morale e pashkruar në politikë, çdo humbës largohet dhe as mendon dhe as mund te imagjinohet që humbësi të caktojë se kush do jetë pas tij! Historia na tregoi se përzgjedhja e pasardhësit sjell vetëm dështim!
Zgjedhjet nuk i humbën demokratët, ata dhe elektorati i djathtë refuzuan Lulzim Bashën, shoqëria e braktisi po ashtu!
Për interes të Partisë Demokratike shumica e Grupit Parlamentar kërkoi dorëheqjen e tij, duke e identifikuar atë si problemin!
Vota ishte kundër tij!”, komentoi Salianji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje