.png)
Kina është duke u përballur me valën më të rëndë të pandemisë së koronavirusit, prej raportimit të rasteve të para në më shumë se dy vjet.
Komisioni shëndetësor i Kinës ka regjistruar më shumë se 4,300 infektime lokale dhe raste asimptomatike të dielën.
Disa miliona njerëz janë në izolim në Kinë, pasi shumë qytete kanë vendosur kufizime të pjesshme apo të plota në lëvizje.
Shangai, Shenzhen dhe Tangshan janë në mesin e qyteteve më të prekura.
Autoritetet kineze janë duke kryer edhe testime masive.
Në provincën Henan, studentëve u është thënë në shumë universitete që të mos largohen nga kampuset.
Për më shumë se dy vjet, Kina ka arritur të menaxhojë pandeminë përmes strategjisë zero raste me COVID-19.
Mirëpo prej përhapjes së variantit Omicron, numri i të infektuarve është rritur shpejt.
Autoritetet tani janë duke ndjekur një strategji “dinamike”, e cila parasheh kufizime afatshkurtra për të shmangur ndikimin në ekonomi dhe përditshmëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje