.png)
Kuvendi mblidhet këtë të enjte në seancë plenare, ku në rend të ditës janë dy interpelanca me ministrat dhe një seancë pyetjesh për ministrin e Brendshëm, Bledar Çuçi.
Interpelanca e parë është kërkuar nga Partia Demokratike me Kryeministrin Edi Rama për krizën e çmimeve. Rama vetë këtë të enjte ndodhet në Bruksel për të marrë pjesë në samitin e jashtëzakonshëm të NATO-s për luftën në Ukrainë.
Por, pyetjeve të opozitës pritet që t’i përgjigjet ministrja e Shtetit për Marrëdhëniet me Parlamentin, Elisa Spiropali.
Interpelanca e dytë është kërkuar nga Flamur Noka dhe Albana Vokshi me ministren e Energjisë dhe Infrastrukturës, Belinda Balluku, për çmimin e naftës dhe situatën energjitike në vend.
Ndërkohë, deputeti i LSI-së, Petrit Vasili ka adresuar disa pyetje për ministrin e Brendshëm, Bledar Çuçi në lidhje me veprimet e policisë së shtetit gjatë protestave të fundit kundër rritjes së çmimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje