.png)
Presidenti i SHBA, Joe Biden dhe homologët e tij në Francë, Gjermani,Mbretërinë e Bashkuar dhe Itali kanë treguar se janë të vendosur për të vazhduar rritjen e kostove ndaj Rusisë për sulmet e saj brutale në Ukrainë. Sipas deklaratës së Shtëpisë së Bardhë me anë të një telefonate të martën ata janë shprehur gjithashtu se do të furnizojnë Ukrainën me asistencë sigurie për t’u mbrojtur kundër luftës së pajustifikueshme.
“Ata diskutuan gjithashtu rëndësinë e mbështetjes së tregjeve të qëndrueshme të energjisë në dritën e ndërprerjeve aktuale për shkak të sanksioneve”.
Më herët, një zëdhënës i kryeministrit britanik Boris Johnson tha se liderët bien dakord për nevojën e vazhdueshme për të “mbështetur” popullin e Ukrainës.
“Kryeministri theksoi se ne duhet ta gjykojmë regjimin e Putinit nga veprimet e tyre dhe jo nga fjalët e tyre. Putini është duke shtrembëruar thikën në plagën e hapur të Ukrainës në një përpjekje për të detyruar vendin dhe aleatët e tij të kapitullojnë”, shtoi zëdhënësi i qeverisë në Britani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje