.png)
Nuk pati shumë rëndësi se çfarë u diskutua mes diplomates amerikane dhe zyrtarit të PD të martën e 5 prillit.
Për herë të parë takimi i Ambasadores amerikane në Tiranë, Yuri Kim, pati rëndësi për dilemën e SHBA (qysh prej vendimit të gjykatës së shkallës së Parë që njeh Kuvendin e 11 dhjetorit) se kë Departamenti sheh si palë në PD.
Takimi i Yuri Kim me Enkelejd Alibeajn e zgjidhi shpejt enigmën.
Menjëherë pas takimit të zhvilluar në kryesinë e Kuvendit ku për shumëkënd mund të interpretohej si një takim i ambasadores amerikane me kryetarin e grupit parlamentar sa kohë që ajo, një ditë më parë, takoi kryetarin e Kuvendit dhe të nesërmen pritet të takojë edhe kryetarin e grupit parlamentar të PS-së, Taulant Balla.
SHBA njohin Enkelejd Alibeajn si palë dhe jo komisionin e Rithemelimit apo thënë më shkoqur Sali Berishën.
1/2 Very good discussion today w/ @pdshqiperi Acting Chair & Floor Leader @enkelejdalibeaj on wide range of issues. 🇺🇸 has had a strong, special relationship with PD from its birth. We value this relationship & PD’s indispensable role for 🇦🇱 – we hope both will only get stronger. pic.twitter.com/r9ie2mA55Y
— Ambassador Yuri Kim (@USAmbAlbania) April 5, 2022
Yuri Kim e qartësoi pozicionin ende pa dalë mire nga kryesia e Kuvendit, përmes një postimi të saj në Twitter.
“Diskutim shumë i mirë sot me kryetarin e komanduar të PD dhe drejtuesin e grupit parlamentar të PD, Enkelejd Alibeaj për një gamë të gjerë çështjesh.
SHBA ka pasur një marrëdhënie të fortë, të veçantë me PD që në lindjen e kësaj partie.
Ne e vlerësojmë këtë marrëdhënie dhe rolin e domosdoshëm të PD-së për Shqipërinë, shpresojmë që të dy vetëm të forcohen.
Kemi shumë punë përpara për ta mbajtur Shqipërinë në rrugën e anëtarësimit në BE, demokracisë, ndërtimin e bashkëpunimit në mbrojtjen dhe zgjerimin e mundësive të biznesit dhe ekonomike për të gjithë. Le të vazhdojmë së bashku përpara, jo mbrapa!”, komentoi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje