.png)
Gazeta Si – Koreja e Veriut “është kundër luftës”, por nëse Koreja e Jugut do të “zgjidhte një konfrontim ushtarak” apo edhe “të kryente një sulm parandalues”, atëherë “forcat bërthamore të Veriut” do të detyroheshin të përgjigjeshin: “Ne duhet të nisim një sulm të tmerrshëm dhe ushtria e Koresë së Jugut do të përballet me një fat të tmerrshëm, një hap larg shkatërrimit dhe rrënimit total”.
Ajo që e thotë këtë – duke ngritur nivelin e konfrontimit verbal midis regjimit të Phenianit nga njëra anë dhe Seulit nga ana tjetër – ishte Kim Yo-jong, motra e fuqishme e Kim Jong-un.
Sipas Kim Yo Jong, deklarata e Ministrisë së Mbrojtjes së Seulit – e cila të premten e kaluar diskutoi mundësinë e sulmeve parandaluese shumë të sakta dhe të shpejta në Korenë e Veriut – janë një “gabim shumë i rëndë”.
Fjalët e motrës së Kim, vijnë pak ditë pas testimit të një rakete balistike – ndoshta një gjeneratë e re – nga regjimi i Veriut, i cili e ka bërë publike lëshimin me rreze të gjerë veprimi.
Vetë Kim kishte kërcënuar se do të godiste objektivat në Seul të dielën nëse Koreja e Jugut kryente “veprime të rrezikshme ushtarake”.
Sipas analistëve të cituar nga agjencia e lajmeve “Reuters”, fjalët e motrës së liderit të Koresë së Veriut i drejtohen presidentit të ri të Koresë së Jugut, Yoon Suk-yeol, i cili ka mbajtur një qëndrim më muskuloz përballë provave të regjimit të Phenianit.
Shtetet e Bashkuara dhe Koreja e Jugut kanë frikë se, pas testeve raketore, Koreja e Veriut po përgatitet të rifillojë testet bërthamore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje