.png)
Kur janë numëruar rreth 97 për qind i votave në Serbi, shqiptarët rrezikojnë të mbeten të papërfaqësues në parlamentin e ri.
Sipas të dhënave të përditësuara që po raportohen nga mediat serbe, asnjëri prej dy koalicioneve të partive shqiptare nuk e tejkalon pragun për të siguruar të paktën një mandat në parlamentin e ri.
Rezultatet tregojnë se Koalicioni i Shqiptarëve të Luginës, kryesuar nga deputeti aktual, Shaip Kamberi ka marrë rreth 9400 vota, ose 0.26 për qind të tyre, duke mos u përkthyer në asnjë mandat në Kuvend.
Koalicioni tjetër, Alternativa Demokratike Shqiptare ka siguruar rreth 3200 vota, ose 0.09 për qind të tyre dhe gjithashtu pa asnjë mandat në parlamentin e ri serb.
Shqiptarët përfaqësoheshin në parlamentin e shkuar në Serbi nga tre deputetë, ku më i zëshmi prej tyre ishte Shaip Kamberi. Tre deputetët dolën falë bashkimit të tyre në një listë të vetme në zgjedhjet e dy viteve më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje