.png)
Gazeta Si – Në zgjedhjet presidenciale franceze, përballja e pritur kokë më kokë midis Emmanuel Macron dhe Marine Le Pen nuk ndodhi.
Të dy, siç pritej, do të garojnë në raundin e dytë (që do të mbahet më 24 prill), por presidenti në detyrë do të paraqitet në vijën e startit me një avantazh të mirë (mbi 27% kundrejt 24%).
Për të dy është një përmirësim në krahasim me pesë vjet më parë, kur kreu i En Marche, u ndal në 24%, ndërsa presidenti i Kuvendit Kombëtar, regjistroi 21.4% të votave.
Vendi i tretë i shkëlqyer për Mélenchon – Në vendin e tretë është Jean-Luc Melenchon, kandidat i së majtës radikale. Ai ka marrë mbi 21% të votave, sidomos në grupmoshën 18-34 vjeç, ku do të ishte më i votuari. Vendi i katërt për Eric Zemmour, ish-gazetari i ekstremit të djathtë merr 7% të preferencave. Partitë tradicionale shemben përfundimisht me kandidaten e republikanëve, Valérie Pécresse, më pak se 5% dhe atë të socialistëve, Anne Hidalgo, akoma më e ulët (nën 2%).
Macron: Tani një lëvizje e re e madhe uniteti – Macron, megjithatë, nuk po këndon ende për fitore. “Asgjë nuk është vendosur ende, dy javët e ardhshme do të jenë vendimtare për Francën dhe Evropën”, – u thotë ai mbështetësve të tij që e brohorasin. Presidenti në detyrë fton të gjithë francezët të “bashkohen me ne”, duke shpallur vullnetin për të krijuar një “lëvizje të madhe politike uniteti dhe veprimi”.
Marrësit e mesazhit janë Anne Hidalgo, Yannick Jadot, Valérie Pécresse dhe Fabien Roussel të cilët e kanë ftuar publikisht të votojë në fletëvotim.
Le Pen: Ata që nuk votuan Macron-in na bashkohen – Nga ana tjetër, Marine Le Pen u bën apel të gjithë atyre që nuk e votuan Macron-in, t’i bashkohen Rassemblement-it të saj.
Premtimi është të “vendoset Franca në shina” gjatë pesë viteve të ardhshme. Zemmour përgjigjet pozitivisht dhe jep indikacione për të votuar për Le Pen, por dera u përplas në fytyrë nga Mélenchon.
Mélenchon: Asnjë votë Le Penit – “Ne e dimë se për kë nuk do të votojmë kurrë. Nuk duhet t’i japim asnjë votë zonjës Le Pen”, thotë Mélenchon. Mbështetësit e kandidatit të tretë mund të jenë vendimtarë në raundin e dytë të zgjedhjeve presidenciale në 24 prill.
Macron duket i pastër, aq i vetëdijshëm për këtë, saqë ui kushton një pjesë të fjalimit të tij, duke folur për “disa” që do ta mbështesin atë në raundin e dytë “për të bllokuar të djathtën ekstreme”.
Abstenimi po rritet: 4% më shumë se në 2017 – Abstenimi në zgjedhjet presidenciale, sipas institutit Ipsos për televizionin publik francez, ishte 26.2%. Në raundin e parë pesë vjet më parë, abstenimi ishte 22.2%, por në vitin 2002, viti i rekordit për jovotuesit, kishte arritur një shifër rekord prej 28.4%.
Sondazhet në funksion të raundit të dytë – Gjithçka është parashikuar tashmë dejt 24 prillit dhe një sfidë brenda sfidës mes Macron e Le Pen. Pesë vjet më parë, për shefin aktual të Elysee, ishte një triumf i vërtetë me 66% të votave. Me këtë rast, sipas sondazheve të para të anketuesve, avantazhi do të ishte 54% me 46%. Megjithatë është një diferencë e mjaftueshme për ta mbajtur Francën fort në duart e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje