.png)
Mazhoranca dhe opozita kanë rënë dakord për ngritjen e komisionit të posaçëm parlamentar për reformën zgjedhohre, por puna për hartimin e kësaj reforme nuk ka nisur ende.
Për kujtesë të partive politike, Komisioni Qendror i Zgjedhjeve kujton se jo më larg se 14 maji i vitit të ardhshëm do të mbahen zgjedhjet e reja vendore për 61 bashkitë.
“KQZ u sjell në kujtesë të këtyre partive domosdoshmërinë për fillimin sa më parë të punës për përmbushjen e rekomandimeve të OSBE/ODIHR. Zgjedhjet e ardhshme vendore nuk janë larg. Data 16 prill 2023 është data e parë e mundshme për zhvillimin e këtyre zgjedhjeve. Data 14 maj 2023 është data e fundit”, thotë komisioneri i Zgjedhjeve, Ilirjan Celibashi.
Celibashi identifikon edhe problematikat ku kërkohet ndërhyrja në legjislacionin aktual.
“Përbërja dhe funksionimi i administratës zgjedhore, procedurat e nxjërrjes së rezultatit, financimi, ankimimet dhe sanksionet administrative, fushata në media përfshi edhe atë online, përdorimi i fondeve publike në fushatë, digjitalizimi, janë disa nga çështjet që KQZ vlerëson se duhet të marrin vëmendjen për reformim prej komisionit të posaçëm parlamentar”, shkruan ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje