.png)
Kreu i grupit parlamentar të PD, Enkelejd Alibeaj, tha për mediat se procesi për zgjedhjen e Presidentit duhet të jetë transparent e gjithëpërfshirës, “jo i mbyllur në zarf”, duke iu referuar procedurës që nisi PS zyrtarisht të martën.
“Do duhet nisur me këmbën e mbarë, duke respektuar kushtetutën.
Procesi duhet të jetë transparent, gjithëpërfshirës, në sytë e shqiptarëve. Ky do duhet të jetë frymëzimi e qasja. Për këtë arsye, e dimë të gjithë cila është procedura.
Të gjithë e dimë që në raundin e katërt e pestë zgjidhet me votat e mazhorancës, kjo s’do duhet përdorur si një mjet për ta futur në zarf e më pas pjesa tjetër të zgjidhi zarfin. Kjo s’do ishte gjë tjetër përveçse cili është qëndrimi real i mazhorancës”.
I pyetur a do shkojë në tryezën e konsultimeve të thirrur nga Taulant Balla, Alibeaj tha:
“Grupi parlamentar do të mbajë qëndrimin e vet mbi gjithçka. Tashmë është bërë rutinë mbledhja e grupit parlamentar. Presidenti nuk është i deputetëve por i shqiptarëve. Kjo duhet të prevalojë mbi gjithçka. Këtë do bëjmë ne. Ne kemi grupin parlamentar të PD. Grupi ynë do të vendosë për qëndrimin dhe procedurat e procesit konsultativ”.
Alibeaj e nënvizoi disa herë këtë fakt dhe e shkëputi veten nga Mediu dhe Doda dy krerët e grupeve parlamentar kur tha se ai përfaqëson grupin parlamentar të PD-së dhe se është ky grup që do të vendosë qëndrimin për Presidentin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje