Zyrtarja e lartë e DASH-it do të vizitojë Shqipërinë në 28 prill

Gazeta Si – Ndihmës Sekretarja për Byronë e Çështjeve Evropiane dhe Euroaziatike Dr. Karen Donfried, do të vizitojë Shqipërinë më 28 prill.

Departamenti Amerikan i Shtetit, njofton vizita e saj përkon me 100-vjetorin e marrëdhënieve diplomatike SHBA-Shqipëri.

“Ajo do të nënvizojë gjithashtu mbështetjen tonë të fortë për anëtarësimin e Shqipërisë në BE dhe integrimin ekonomik rajonal, si dhe do të theksojë nevojën për të zbatuar plotësisht reformën në drejtësi dhe për të luftuar korrupsionin.”- thuhet në njoftim.

Ajo do të udhëtojë në Ballkanin Perëndimor nga 25 deri më 29 prill, ku do të vizitojë edhe Bosnjën, Kosovën, Malin e Zi, Maqedoninë e Veriut dhe Serbinë.

Asst Sec’y Donfried will visit 🇦🇱 next wk to celebrate 100 yrs of 🇺🇸🇦🇱 relations; thank 🇦🇱 for partnership on UN Security Council, esp on 🇺🇦; underscore strong support for 🇪🇺 accession; encourage implementation of justice reform & fight against corruption. https://t.co/WsbIEujsgh

— Ambassador Yuri Kim (@USAmbAlbania) April 21, 2022

Në 25 prill do vizitojë Kosovën, më 26 prill Serbinë, më 27 Bosnjë Hercegovinën, ndërsa më 29 Malin e Zi.

Lajmi është pohuar nga ambasadorja amerikane Yuri Kim, e cila ka zbardhur edhe axhendën.

“Më 28 prill, ajo do të përkujtojë 100 vjetorin e marrëdhënieve diplomatike SHBA-Shqipëri dhe do të falënderojë Shqipërinë për partneritetin tonë në Këshillin e Sigurimit të Kombeve të Bashkuara dhe për angazhimin e saj ndaj sovranitetit dhe integritetit territorial të Ukrainës përballë agresionit rus”, – shkruan ambasadorja amerikane në Tiranë. –

Kim shton se Donfried, do të nënvizojë gjithashtu “mbështetjen tonë të fortë për anëtarësimin e Shqipërisë në BE dhe integrimin ekonomik rajonal”.

Përfshirë edhe “nevojën për të zbatuar plotësisht reformën në drejtësi dhe për të luftuar korrupsionin”.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---