.png)
Gazeta Si – Sarmat ICBM i ri do të jetë “gati për përdorim deri në vjeshtë”. Këtë e ka bërë të ditur Dmitry Rogozhin, kreu i “Roscosmos”, kompania ruse përgjegjëse për fluturimet në hapësirë.
Të mërkurën, Moska testoi raketën nga kozmodromi “Plesetsk” dhe presidenti rus Vladimir Putin përgëzoi ushtrinë për suksesin e testit.
Raketa e re balistike “është sot edhe më e paprekshme ndaj mbrojtjes amerikane falë zgjidhjeve të saj inxhinierike”, shpjegoi kreu i ‘Roskosmos’.
“Zgjidhjet inxhinierike të zbatuara në këtë system, forcojnë paprekshmërinë e tij ndaj mbrojtjes raketore të SHBA”, – tha Rogozhin.
“Ky sistem tejkalon disa herë aftësitë e kundërshtarit tonë, raketës Minuteman-III”, shtoi Rogozhin. Minuteman-III i Forcave Ajrore Amerikane ka një rreze prej 14 mijë kilometrash.
Pas testimit të saj para pak ditësh, SHBA-të u shprehën se nuk ishte një surprizë apo një paralajmërim për kërcënim.
Kjo, sepse agjencitë ligjzbatuese kishin më herët informacione dhe se nuk e shikonin sit ë rrezikshme.
Ndërkohë, ministria ruse e Mbrojtjes, thotë se SHBA po përgatit provokime për të akuzuar Rusinë për përdorimin e armëve të shkatërrimit në masë në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje