.png)
Gazeta Si – Një tjetër skandal në godinën e parlamentit britanik, Westminster. Një deputet i Partisë Konservatore akuzohet se ka parë një video pornografike në telefonin e tij.
Thuhet se ai ishte në Dhomën e Komunëve dhe gjithashtu gjatë punës së një komisioni parlamentar.
Këtë e kanë bërë të ditur disa kolegë të tij për mediat britanike. Në veçanti, sipas asaj që raporton “Mirror”, deputeti ka parë videon teksa ndodhej pranë një deputeti, i cili i skandalizuar më pas i ka treguar gjithçka disa kolegëve të tij.
Partia konservatore ka nisur një hetim të brendshëm për të, emri i të cilit nuk bëhet i ditur apo edhe nëse qëndron në radhët e para të parlamentit.
“Kjo sjellje është plotësisht e papranueshme dhe do të merren masa”, thuhet në një shënim nga zyra e Chris Heaton-Harris, kreu i grupit përgjegjës për disiplinën e brendshme të deputetëve të shumicës.
Deputeti i akuzuar se ka parë videon pornografike, rrezikon të humbasë vendin e tij nëse konstatohet shkelja flagrante e rregullit brenda institucionit.
Ndërkohë, ka një fokus në rritje në sjelljet e përhapura në lidhje me tolerancën zero nga Boris Johnson.
Skandalet e tjera – “Nuk ka vend për seksizëm dhe ngacmim në Parlament”, – tha kryeministri.
Ai iu përgjigj gjatë “Kohës së Pyetjeve” ndaj pyetjes nga lideri laburist i opozitës Keir Starmer në lidhje me rastin e zëvendëses së tij, Angela Rayner, e akuzuar në faqet “Mail on Sunday” të dielën nga disa deputetë anonimë konservatorë, se mori poza provokuese, si Sharon Stone në filmin “Basic Instict”, për të shpërqendruar anëtarët e qeverisë.
Kryeministri përsëriti atë që kishte bërë ditët e fundit, kur dënoi publikisht sulmin mizogjen dhe gjithashtu dërgoi një mesazh personal solidariteti për Rayner.
Megjithatë, pyetja mbetet në qendër të debatit politik. Sipas mediave, po vazhdojnë hetimet për sjelljen e 56 deputetëve, mes të cilëve tre anëtarë të ekzekutivit konservator dhe dy të qeverisë laburiste në hije, të akuzuar për një sërë abuzimesh, përfshirë ato historike.
Çështja u ngrit nga deputetja e Të Gjelbërve, Caroline Lucas. Johnson pohoi se “ngacmimi seksual është i patolerueshëm” dhe se nëse zbulohet nga organet disiplinore të Westminster-it, ai duhet të çojë në heqjen e mandatit, madje edhe për çdo anëtar ekzekutiv që mbahet përgjegjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje