.png)
Gazeta Si – Udhëheqësi i Koresë së Veriut Kim Jong-un, shprehu “solidaritetin e vendosur” të vendit të tij me Rusinë në një mesazh dërguar presidentit Vladimir Putin për festimin e Ditës së Fitores.
Në mesazh, Kim shprehu afërsinë “me kauzën e popullit rus për të çrrënjosur kërcënimin politik dhe ushtarak dhe shantazhin e forcave armiqësore dhe për të ruajtur dinjitetin, paqen dhe sigurinë e vendit”, raportoi agjencia e lajmeve “KCNA”.
Kim Jong-un shprehu gjithashtu “bindjen se marrëdhëniet strategjike dhe tradicionale të miqësisë mes dy vendeve, do të zhvillohen më shumë në përputhje me nevojat e kohës”.
Koreja e Veriut ka rivlerësuar kohët e fundit lidhjet e saj tradicionale me Rusinë, pavarësisht dënimit të shumë vendeve kundër Moskës për agresionin kundër Kievit, deri në atë pikë sa në shkurt, një zëdhënës i Ministrisë së Jashtme të Phenianit, motivoi krizën ukrainase si fryt i “politikës hegjemoniste të Shteteve të Bashkuara dhe vendeve aleate”.
Pushtimi rus i Ukrainës, i cili e ka lënë Këshillin e Sigurimit të Kombeve të Bashkuara të ndarë dhe praktikisht të paralizuar, ka krijuar gjithashtu një mjedis të favorshëm për Kim Jong-un.
Kjo për shkak se ai kërkon të ndjekë zhvillimin e armëve të tij, ndërsa synon të forcojë statusin e Koresë së Veriut në një fuqi bërthamore.
Mes të tjerash, Kim përmes testeve me raketa, synon të negociojë nga pozicioni i fuqisë për heqjen e sanksioneve të udhëhequra nga SHBA.
Vetëm në vitin 2022, Koreja e Veriut ka kryer 15 raunde testesh raketore deri më tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje