.png)
Gazeta Si – Froni mungon. Karrigia e Mbretëreshës është hequr nga Dhoma e Lordëve: në vend të saj, Kurora qëndron në një jastëk.
Ishte një ceremoni e paprecedentë në historinë moderne këtë mëngjes në Westminster (selia e qeverisë britanike), sepse për herë të parë për të lexuar fjalimin e mbretëreshës, që ilustron programin e qeverisë, nuk ishte sovrania, por trashëgimtari i fronit, Princi Charles.
Një pikë kthese që është parë si hapi i parë drejt një “Regjence de facto”.
Elizabeth duhej të hiqte dorë për arsye shëndetësore: “probleme me lëvizjen”, shpjegoi Buckingham Palace.
Kishte ndodhur vetëm dy herë në të kaluarën, kur mbretëresha ishte shtatzënë me Andrew dhe Eduard përkatësisht.
Por në ato raste, fjalimi ishte lexuar nga Lord Cancelliere, pas një precedenti të vendosur nga Mbretëresha Viktoria (që nuk i pëlqente ceremonitë në Parlament).
Por këtë herë, sovrani vendosi ndryshe dhe dërgoi një sinjal të saktë duke kërkuar që fjalimi të lexohej nga djali i saj Charles, trashëgimtari i fronit.
Për ta bërë këtë, ishte e nevojshme t’i drejtohej Aktit mbi Regjencën, mbi bazën e të cilit Elizabeth delegoi funksionet mbretërore.
Ekziston vetëm një referencë historike dhe ajo daton dyqind vjet më parë: kur Parlamenti u hap nga Princi Regjent, Gjergji IV i ardhshëm, i cili kishte marrë detyrën mbretërore nga babai i tij Xhorxhi III, i cili vuante nga demenca.
Prandaj, dekada e dytë e shekullit të nëntëmbëdhjetë ishte ajo e Regjencës, e cila la gjurmë të pashlyeshme në Londër, nga Regent Street deri në Regent’s Park.
Këtë herë transferimi i pushtetit ishte i kufizuar dhe i përkohshëm, por gjithsesi plot kuptim dhe mund të pritet që tani e tutje që Charles të zëvendësojë mbretëreshën gjithnjë e më shumë në raste zyrtare.
Një “bashkëjetesë” edhe për faktin se Elizabeth nuk do të abdikojë kurrë: trauma e Eduardit VIII ende “djeg” dhe për këtë arsye ajo do të qëndrojë në fron deri në vdekjen e saj, por me një shëndet gjithnjë e më të brishtë, është i nevojshëm një tranzicion që do ta shohë Charles të marrë praktikisht funksionet e regjentit.
Ghithnjë nëse herët a vonë nuk ka një zyrtarizim të statusit të tij, nëse sovrania do të ishte plotësisht e paaftë.
Po aq domethënëse është se në ceremoninë në Westminster, pranë trashëgimtarit të fronit, u ulën gruaja e tij Camilla dhe djali William.
Kështu, ajo e pa rolin e saj si bashkëshortja e ardhshme e Mbretit të shenjtëruar, ndërsa Duka i Kembrixhit, përfaqëson të ardhmen dhe vazhdimësinë në shtëpinë mbretërore.
Kështu, sot ishte e mundur të shikohej monarkia e së nesërmes. Por mbi të gjitha për Charles ishte (pothuajse) pika e uljes së një ekzistence të kaluar në pritje.
Ai është princi që në histori ka kaluar disa vite në pozicionin e trashëgimtarit të fronit, i destinuar të mbretërojë, por i detyruar të presë.
Tani ai është larguar një hap nga Kurora dhe mbi të gjitha ia ka dalë duke pasur pranë tij Camilla, gruan e jetës së tij.
Por mbetet ende një imazh disi melankolik, ai i një njeriu tashmë të moshuar dhe të zbardhur, i cili ende pret të kuptojë qëllimin përfundimtar të gjithë ekzistencës së tij. Të cilën sot ai mund ta shijonte disi.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje