.png)
Gazeta Si – Ministria palestineze e Shëndetësisë raportoi se një gazetare e TV Al Jazeera, Shireen Abu Akleh, u qëllua për vdekje në Bregun Perëndimor.
Gazetarja u qëllua në fytyrë dhe vdiq menjëherë pas të shtënave, shtoi ministria.
Një tjetër gazetar palestineze që punonte për gazetën Al-Quds me bazë në Jeruzalem u plagos gjithashtu.
Kushtet e tij janë të qëndrueshme. Të shtënat ndodhën gjatë një bastisjeje të ushtrisë izraelite në qytetin verior të Bregut Perëndimor të Jeninit.
Sipas Al Jazeera-s, gazetarja që vdiq në kampin e refugjatëve Jenin në Bregun Perëndimor u vra me “gjak të ftohtë” nga forcat izraelite.
“Ajo është goditur qëllimisht”, akuzon transmetuesi. “Ne i bëjmë thirrje komunitetit ndërkombëtar që të dënojë dhe të mbajë përgjegjëse forcat okupuese izraelite për shënjestrimin dhe vrasjen e qëllimshme të koleges sonë Shireen Abu Akleh”, – tha Al Jazeera në një deklaratë të postuar në kanalin e saj.
Gazetari i dytë i përfshirë, Ali Samodi, sipas ministrisë palestineze të shëndetësisë, u qëllua në shpinë, por gjendja e tij nuk është serioze.
Samudi i cili punon për rrjetin “Al Quds – cituar nga Wafa – tha se së bashku me kolegen e tij nga Al Jazeera, ai ishte me një grup reporterësh të tjerë në “afërsi të shkollave të UNRWA pranë kampit Jenin”, dhe se “të gjithë ata mbanin helmeta dhe uniforma gazetari”.
Më pas, ai shtoi se grupi “ishte në shënjestër të drejtpërdrejtë të forcave pushtuese”.
Footage shows the moments of Al Jazeera’s senior reporter Shireen Abu Aqla’s death.
— Ragıp Soylu (@ragipsoylu) May 11, 2022
In appearance, Israeli footage that says there was a Palestinian cross fire doesn’t fit with this location.
She is also wearing a helmet and body armour. pic.twitter.com/fYCMQqxlxf
Presidenca e Abu Mazen, dënoi gjithashtu “krimin e ekzekutimit nga forcat pushtuese izraelite të gazetares Shireen Abu Akleh”, raporton agjencia Wafa.
Abu Mazen, tha se e cilëson “qeverinë izraelite plotësisht përgjegjëse për këtë krim të urryer”, duke theksuar se ajo është “pjesë e politikës së përditshme të ndjekur nga okupimi kundër popullit tonë, tokës dhe vendeve të tyre të shenjta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje