Sarandë, një 38-vjeçar shkon në spital i plagosur me thikë në qafë

Gazeta Si – Një 38-vjeçar ka shkuar i plagosur në orët e para të mëngjesit të kësaj të diele në spitalin e Sarandës.

Policia thotë se E.D., është paraqitur rreth orës 02.30 me plagë në qafë, dyshohet i goditur me thikë ose kaçavidë.

Ngjarja mësohet të ketë ndodhur në lagjen nr.3, pranë vendit te quajtur “Plazhi Ri”.

I plagosuri ndodhet jashtë rrezikut për jetën, ai është mjekuar në spital dhe me pas është larguar.

Ende nuk dihen rrethanat dhe arsyet e kësaj ngjarjeje, ndërsa policia ka nisur hetimin për ngjarjen.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---