.png)
Partia Demokratike ka bërë kallëzim penal për kreun e gjykatës së Tiranës Flamur Kapllanaj dhe kancelarin Donald Xhelili duke i akuzuar për shpërdorim detyre.
Rithemelimi njoftoi kallëzimin ndaj tyre me arsyetimin se nuk u ka dhënë vendimin për pranimin e ankimimit të Alibeajt.
“Në vijim të qëndrimit të bërë publik nëpërmjet deklaratës së ditës së diel, dhe në mungesë të reagimit ligjor dhe institucional nga Gjykata e Rrethit Gjyqësor Tiranë, Partia Demokratike e Shqipërisë ka paraqitur sot kallëzim penal ndaj kryetarit dhe kancelarit të gjykatës së Tiranës, të cilët në mënyrë të qëllimshme ende nuk i komunikojnë zyrtarisht Partisë Demokratike vendimet gjyqësore të cilat cenojnë interesa të ligjshëm të saj”, thuhet në njoftimin për shtyp të Rithemelimit.
“Partia Demokratike bën thirrje për organet ligjzbatuese që të hetojnë dhe vënë para përgjegjësisë ligjore këdo i cili me veprime te paligjshme tenton të ndikoje proceset ligjore në shqyrtim nga gjykatat, pavarësisht pozicionit qe mban”, vijon deklarata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje