.png)
Gazeta Si – “Në një botë si ajo bashkëkohore, një vend si Rusia nuk mund të lihet mënjanë, të izolohet, por ata që e provojnë i bëjnë dëm para së gjithash vetvetes”.
Kështu ka deklaruar presidenti rus, Vladimir Putin, duke folur në një video-konferencë në seancën plenare të Forumit Ekonomik Euroaziatik.
Putin e quajti gjithashtu “vjedhje” vendimin evropian për të ngrirë pasuritë e miliarda oligarkëve.
“Vjedhja e aseteve nga Perëndimi nuk do të çojë në asgjë të mirë”. Rusia “është konkurruese dhe mbetet eksportuesi kryesor i grurit në botë. Me sanksionet, ne po bëhemi më të fortë”.
Në fund, ai përfundoi: “Asnjë ‘polic në botë’ mund të ndalojë vendet që duan të ndjekin një politikë të pavarur”.
Nga ana tjetër, Moska pret që Kievi të pranojë kërkesat e Rusisë. Kështu ka thënë zëdhënësi i Putinit, Dmitry Peskov.
“Moska pret që Kievi të pranojë kërkesat e Moskës dhe të kuptojë situatën ‘de facto’, situatën reale”, tha Peskov, duke iu përgjigjur një pyetjeje se çfarë lëshimesh pret Moska nga Kievi.
“Këto nuk janë koncesione territoriale. Kievi duhet, e përsëris edhe një herë, të njohë situatën ‘de facto’ dhe të vlerësojë me maturi”, shtoi ai, duke iu përgjigjur pyetjes nëse kjo vlen edhe për koncesionet territoriale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje