.png)
Për momentin, Boris Johnson shpëtoi. Deputetët konservatorë i dhanë mbështetjen si Kryeministër. 180 vota i duheshin (gjysma plus një), ndërsa Johnson mori 211 vota
Një grup konservatorësh (54 për të qenë të saktë, 15% e grupit) kishin nënshkruar një letër duke kërkuar dorëheqjen e Johnson.
Mocioni u hodh në votim në fund të festimeve për jubileun e Mbretëreshës Elizabeth pikërisht në respekt të sovranin.
Boris Johnson do të vazhdojë të jetë kryeministër i Britanisë, ndonëse autoriteti i tij ka rënë ndjeshëm. 148 votuan kundër tij.
Përpara procesit, Johnson iu drejtua me një letër të gjithë anëtarëve të partisë duke kërkuar mbështetjen e tyre.
“Sonte kemi shansin t’i japim fund spekulimeve javore medietike dhe ta çojmë këtë vend përpara, menjëherë, si një parti e bashkuar. Unë u kërkoj mbështetjen tuaj sonte sepse e di se sa shumë mund të arrijmë së bashku”.
Johnson është përballur me kritika për udhëheqjen e tij për muaj të tërë, por ajo që i vuri kapakun këtyre zërave ishte pjesëmarrja e tij në atë njihet tashme si skandali “Partygate” , ku u zbulua se si tubime të shumë politikanëve thyen rregullat e Covid-it brenda Downing Street ndërsa pjesa tjetër e Britanisë urdhërohej rreptësisht ti zbatonte ato.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje