.png)
Në Komisionin e Ekonomisë u diskutuan dhe miratua këtë të martë akti normativ që hap garancinë sovrane për importuesit e produkteve ushqimore të shportës.
Akti u mbrojt para deputetëve nga ish ministrja e Financave, Delina Ibrahimi. Ajo tha se garancia sovrane mundësohet për bizneset që të shtojnë rezervat dhe garantuar furnizimin e tregut.
Nga PD ngritën shqetësime se përse Qeveria po shmang procedurat normale të ligjeve dhe nxiton me akte normative, që për këtë vit ishte i dhjeti i diskutuar në Kuvend. Shqetësime për këtë pjesë ka shprehur edhe Fondi Monetar Ndërkombëtar, që i shprehimisht i ka kërkuar Qeverisë shqiptare që të rikthehet në normalitet kur bëhet fjalë për ndryshimet buxhetore.
Ministrja Delina Ibrahimaj mbrojti aktet duke deklaruar se ndërhyrja përmes tyre është bërë në kushtet e urgjencës, si në rastin e pandemisë, ashtu edhe në rastin e krizës së çmimeve.
Ndërkohë, deputeti Erion Braçe kërkoi që pjesë e garancisë sovrane të bëhen edhe femerët dhe i bëri thirrje Qeverisë që të orientojë tregtarët e mëdhenj të produkteve ushqimore bazë drejt prodhimit vendas.
Sipas aktit në fjalë, Qeveria do të mbulojë 60 për qind të kredisë që importuesit e mëdhenj të ushqimeve marrin te bankat e nivelit të dytë për të rritur rezervat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje