.png)
Gazeta Si – Gjimnastet amerikane kanë denoncuar FBI-në në kuadër të hetimit për ngacmimet seksuale të mjekut Larry Nassar. Skandali i këtyre ngacmimeve ka kohë që shpërthyer, tani kërkohet dëmshpërblim edhe nga FBI.
Grupi i gjimnasteve të abuzuara nga mjeku është shtuar. Ato kërkojnë të dëmshpërblehen me 1 miliard dollarë nga FBI-ja, pasi denoncuan ngacmimet e mjekut të kombëtares amerikane të gjimnastikës.
Mes viktimave të këtij skandali është edhe 4 herë fituesja e medaljes së artë olimpike, Simone Biles. Gjimnastet e akuzojnë FBI-në se nuk veproi në vitin 2015, kur u regjistruan viktimat e para.
“Është koha që FBI-ja të mbajë përgjegjësitë e saj”, – ka deklaruar Maggie Nichols, kampione kombëtare në periudhën 2017-19.
“Nëse FBI do të kishte bërë thjesht punën e saj, Nassar do të ishte ndaluar para se të kishte mundësinë të abuzonte me qindra vajza. Duke më përfshirë edhe mua”, – ka thënë ish-gjimnastja e Universitetit të Miçiganit, Samantha Roy.
Nassar u arrestua në vjeshtë të 2016-ës, pasi shpërtheu skandali dhe u bënë hetime nga policia e Miçiganit. “Michigan State University”, në qendër të skandalit Nassar, pranoi të paguante 500 milionë dollarë për më shumë se 300 gra dhe vajza që ishin abuzuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje