.png)
Gazeta Si – Zemërim dhe revoltë nga yjet e sportit amerikan pas vendimit të Gjykatës Supreme në lidhje me abortin. Kjo gjykatë ka anuluar sentencën ‘Roe vs.Wade’ të 1973-shit, duke e hequr abortin si një të drejtë kushtetuese.
“Është e vështirë të shprehesh me fjalë, kur je e trishtuar, – ka thënë ikona e kombëtares amerikane në futboll për femra, Megan Rapinoe. – Nuk arrij dot ta shpjegoj sa e trishtë dhe mizore është. Mizore, sepse ku vendim nuk është pro jetës”.
Ka reaguar pas vendimit edhe legjenda e tenisit Billie Jean King, duke theksuar: “Nuk do t’i japë fund abortit ky vendim. Është një ditë e trishtuar për Amerikën”.
Nga yjet e sportit ka mbajtur qëndrim edhe basketbollisti i Los Angeles Lakers, LeBron James. Në Tuiter ai ka shkruar se vendimi është ‘fuqi dhe kontroll’.
Në një deklaratë të përbashkët, komisarët e NBA dhe WNBA, Adam Silver dhe Cathy Engelbert, kanë pohuar se “besojmë se femrat janë në gjendje të marrin vemdime për shëndetin e tyre dhe për të ardhmen, besojmë se liria duhet mbrojtur”.
Kritika për vendimin e fundit ka pasur edhe nga trajnere, lojtare, skuadra dhe federata femrash. Një zë i fortë nga yjet e sportit amerikan është edhe ai i tenistes Coco Gauff.
Incredibly disappointed by the decision made today. The sad part is this will not stop abortions from happening… this will only increase illegal and unsafe abortions. Today is a very sad day for our country and I cannot believe once again history is repeating itself.
— Coco Gauff (@CocoGauff) June 24, 2022
“Jam shumë e zhgënjyer nga ky vendim. Pjesa e trishtë është se vendimi nuk do të ndalojë abortin, por thjesht do të shtojë abortet ilegale dhe të pasigurta.
Është një ditë e zymtë për vendin tonë. Nuk mund ta besoj që historia po përsëritet”, – ka shkruar në Tuiter finalistja e Roland Garros.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje