.png)
Gazeta Si – Në Algjeri po zhvillohen Lojërat Mesdhetare, ku merr pjesë edhe Shqipëria me 29 sportistë, në 10 disiplina të ndryshme. Ceremonia e hapjes e “Oran 2022” u zhvillua të shtunën, ndërsa sot kanë konkuruar sportistët e parë kuqezi, ku spikati boksieri Alban Beqiri.
Alban Beqiri ia doli të kualifikohet në turin e dytë. Ai mundi 2-1 turkun Nexhat Ekinci në 1/16-at. Ishte një paraqitje shumë e mirë e Beqirit dhe një kualifikim plotësisht i merituar. Boksieri tjetër shqiptar, Arjon Kajoshi, u eliminua nga francezi Moreno Fendero.
Më parë garuan mundësit Kevin Kupi, Gjetë Prenga dhe Bajram Sina në stilin greko-romak. Kupi fitoi ndeshjen e parë, 10-0 në 1/8-at ndaj sllovenit Luka Gumilar. Por u eliminua në raundin 1/4 nga serbi Viktor Nemes.
Prenga u mund nga egjiptiani Omar Abdelrahman 9-0. U eliminua edhe Sina në ndeshjen e pare nga siriani Ahmad Alnakdal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje