.png)
Punëtorët norvegjezë në det të hapur kanë filluar një grevë që do të reduktojë prodhimin e naftës dhe gazit, sipas sindikatës që udhëheq aksionin industrial.
Greva, në të cilën punëtorët kërkojnë rritje pagash për të kompensuar inflacionin në rritje, erdhi të martën(5 korrik) mes çmimeve të larta të naftës dhe gazit, me furnizimet e gazit natyror në Europë veçanërisht të kufizuara pas shkurtimeve të eksporteve ruse.
“Greva ka filluar”, tha Audun Ingvartsen, udhëheqësi i sindikatës Lederne në një intervistë me agjencinë e lajmeve Reuters.
Operatori Equinor ka nisur një mbyllje të tre fushave në Detin e Veriut si rezultat i një greve, tha kompania të martën.
Ministria e Punës e vendit përsëriti se po e ndiqte konfliktin nga afër dhe mund të ndërhyjë për të ndaluar një grevë nëse ka rrethana të jashtëzakonshme.
Prodhimi i naftës do të ulet me 130.000 fuçi në ditë, shtoi lobi, që korrespondon me rreth 6.5% të prodhimit të Norvegjisë, sipas një llogaritje të Reuters.
Deri më 9 korrik, Sleipner, Gullfaks A dhe Gullfaks C( fusha nafte) ka të ngjarë të ndalojnë së prodhuari, pasi anëtarët e Lederne janë punëtorë të vjetër që konsiderohen thelbësorë për prodhimin, me efekte të mundshme valëzuese në fusha të tjera që pompojnë produktin e tyre përmes atyre fushave.
Kështu, afër një e katërta e prodhimit të gazit të Norvegjisë do të mbyllet deri të shtunën, si dhe rreth 15% e prodhimit të saj të naftës.
Equinor, operatori i platformave, nuk ishte menjëherë i disponueshëm për të komentuar mbi ndikimin e përshkallëzimit të fundit.
Ingvartsen, kreu i sindikatës, tha se përshkallëzimi i fundit nuk ishte një mënyrë për të presionuar qeverinë për të ndërhyrë dhe për të vendosur një zgjidhje.
“Qëllimi ynë është që punëdhënësit të angazhohen me ne dhe të dëgjojnë punonjësit e tyre,” i tha ai Reuters.”
Anëtarët e sindikatës Lederne, të cilët përfaqësojnë punëtorët e moshuar, votuan të enjten(30 qershor) kundër një marrëveshjeje të propozuar të pagave që ishte negociuar nga kompanitë dhe drejtuesit e sindikatave.
Sindikatat e tjera të punëtorëve të naftës dhe gazit të Norvegjisë kanë pranuar marrëveshjen e pagave dhe nuk do të hyjnë në grevë.
Burimi: Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje