.png)
Gazeta Si – Protesta të dhunshme janë zhvilluar mbrëmjen e djeshme nga qytetarë maqedonas të cilët të nxitur nga opozita po kundërshtojnë propozimin francez që i mbyll mosmarrëveshjet mes Shkupit dhe Sofjes.
Policia njofton se janë 11 protestues të arrestuar dhe 47 policë të plagosur nga protesta e së martës.
Mediet lokale vend raportojnë se dy policë janë në gjendje të rëndë shëndetësore.
Protestuesit fillimisht u tubuan para qeverisë, ndërsa pastaj lëvizën drejt Ministrisë së Jashtme ku thyen xhamat e ndërtesës.
Protesta është përshkallëzuar kur protestuesit pas Ministrisë së Jashtme i janë drejtuar ndërtesës së Kuvendit.
Aty një grup i maskuar i protestuesve kanë thyer kordonin e policisë dhe kanë nisur të hedhin sende të forta dhe lëndë piroteknike, duke thyer edhe xhamat e Kuvendit.
Të martën ishte dita e katërt e protestave. Protestuesit kërkojnë që autoritet e qeverisë në Maqedoninë e Veriut, të refuzojnë propozimin e Bashkimit Evropian, të njohur si propozim francez, për fillimin e negociatave për anëtarësim.
Sipas tyre, francez bën “bullgarizimin” e Maqedonisë së Veriut dhe nuk e njeh gjuhën e as historinë maqedonase.
Protestuesit i kanë bërë thirrje ministrit të Jashtëm, Bujar Osmanit, që “ta mësoj historinë maqedonase”.
Në pankartat e protestuesve emri i Bujar Osmanit, ishte deformuar në Bujar Osmani.
Protestuesit kanë kërkuar dorëheqjen kryeministrit maqedonas, Dimitar Kovaçevski dhe ministrit të Jashtëm, Bujar Osmanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje