.png)
Deklarata e ministrin serb të Mbrojtjes Aleksandar Vulin ka nxitur reagime të shumta edhe brenda Serbisë.
Vulin deklaroi se për të arritur stabilitet në rajon duhet që të gjithë serbët të jetojnë në një shtet.
Lidhja e Social Demokratëve të Vojvodinës (LSV) akuzoi Vulin se kërkon të nxisë luftëra të reja në Ballkan, me urdhër të presidentit Vuçiç.
“Deklarata luftarake e ministrit Vulin sie për stabilitetin e Ballkanit është e nevojshme që të gjithë serbët të jetojnë në një shtet është një moto e sajuar keq e shefit të tij Vuçiç dhe idetë e tij të fundit për botën serbe”, tha zyrtarja e LSV Nevena Subotiç në një deklaratë.
Subotiç vlerësoi se për stabilitetin e Ballkanit nuk është e nevojshme që serbët të jetojnë në një shtet, por të ndalet politika luftarake e politikanëve ballkanikë të paaftë dhe arrogantë.
Më tej ajo ka kërkuar nga presidenti i Serbisë që të distancohet nga deklarata të tilla nëse nuk përfaqësojnë qëndrimin zyrtar të Serbisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje