.png)
Gazeta Si – Kuvendi ka rrëzuar dekretin e presidentit Ilir Meta për Marrëveshjen për Administrimin e Parkut të Butrintit.
Në Parlament , morën pjesë në votim 101 deputetë, nga këta 72 votuan kundër, 27 pro dhe 2 kanë abstenuar.
Meta ktheu në Kuvend marrëveshjen për Butrintin, pasi sipas tij cenon interesin e qytetarëve shqiptarë.
Dy ditë më parë, mes debateve Komisioni i Ekonomisë ka rrëzuar dekretin e kreut të shtetit që kthente për riishqyrtim marrëveshjen për menaxhimin e Butrintit nga një fondacion i krijuar enkas nga Ministria e Kulturës dhe përfaqësues të Fondacionit Shqiptaro-Amerikan për Zhvillim.
Argumentet e presidentit janë se kalimi i menaxhimit të Parkut Kombëtar të Butrintit tek ky fondacion, jo vetëm është antikushtetues, por shkel dhe një sërë konventash ndërkombëtare.
Përfaqësuesi ligjor i Metës, jo vetëm kërkoi pranimin e dekretit, por dhe hetim parlamentar për këtë çështje.
Në të njëjtën anë qëndron dhe opozita që mbështeti dekretin e presidentit.
Por mazhoranca i hedh poshtë këto argumente dhe pretendon se presidenti vijon ta përdorë politikisht zyrën e tij për të goditur vendimmarrjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje