.png)
Gazeta Si – Anticikloni i ri afrikan godet Evropën. Dhe po e shtyn (në këto orë) kolonën e merkurit përtej 40 gradëve edhe në gjerësi të pamendueshme deri para disa vitesh.
Gjermania, Danimarka, Britania e Madhe dhe Franca po përballen me një emergjencë të vërtetë kombëtare.
Dhe tabloja e përgjithshme e dhënë nga ekspertët e këtyre vendeve, përmes mediave kryesore të tyre, ngjan me momentet më të vështira të përjetuara nga kontinenti evropian në historinë e tij. Të martën – raporton BBC – në Londër dhe Paris, priten 41 gradë në orën 16:00: në atë kohë do të jetë më nxehtë në dy kryeqytetet sesa në shkretëtirën e Saharasë.
Rekordi britanik
Në Francë, Chaîne Météo është e drejtëpërdrejtë: “Është një nxehtësi djegëse, e padurueshme. Gjë që do të përkeqësojë rrezikun e zjarreve dhe mund të shkaktojë shumë viktima”.
Në rajonet e Britanisë dhe Normandisë, duke kaluar nga pellgu i Parisit, priten temperatura me majat deri 43 dhe 45 gradë.
Në Angli, “Met Office” ka paralajmëruar popullatën se maksimumi mund të arrijë në 43 gradë, me pasoja të rënda për shëndetin, rendin publik dhe transportin. Ata shkruajnë: “Sot mund të shohim ditën më të nxehtë në historinë e Mbretërisë së Bashkuar, duke thyer rekordin prej 38.7 gradë të vendosur në Kembrixh në korrik 2019. Dhe nesër duhet të jetë edhe më nxehtë”.
Prej ditësh në Gjermani, tema e valës së të nxehtit është eksploruar në emisionet më të rëndësishme televizive dhe në faqet e para të gazetave. Në Danimarkë e njëjta gjë.
Kaos në transportin publik
Por është në Britani që ankthi i temperaturës afrikane po krijon një ndjenjë që është afër panikut. Në fund të fundit, do të jetë më nxehtë në Londër gjatë ditëve të ardhshme sesa në Mosul, Irak.
Autoritetet bëjnë ç’të munden. Trenat janë anuluar, shkollat janë mbyllur dhe mjekët janë alarmuar. Zyrtarët shëndetësorë kanë frikë se spitalet mund të mbingarkohen.
Me pothuajse të gjithë Mbretërinë e Bashkuar të vendosur të jetë më e nxehtë se shkretëtira e Saharasë, ajo paralajmëron se “rrugët mund të shkrihen”, furnizimet me ujë mund të kenë probleme, pasi punonjësve u kërkohet të punojnë nga shtëpia për shkak të vështirësive në transportin publik.
Kaosi hekurudhor ka goditur tashmë zona të ndryshme të Londrës mëngjesin e sotëm.
Linjat e metrosë, si District, Central, Bakerloo dhe Jubilee pësuan vonesa të rënda ndërsa Hammersmith & City Line u mbyll për shkak të “problemeve të ngrohjes”.
Transporti për Londrën u ka drejtuar një “lutje” të gjithë pasagjerëve në kryeqytet për të shmangur udhëtimet jo thelbësore.
Parashikimet (katastrofike)
Bill McGuire është profesor kundër rreziqeve gjeofizike dhe klimatike në University College London.
Duke folur për gazetën “The Guardian”, ai thotë se “moti dikur i mirë në Mbretërinë e Bashkuar po shpërbëhet”.
Ai të kujton një parashikim të bërë nga meteorologët e “Met Office”, të cilët simuluan një skenar moti të vitit 2050 të shënuar nga temperatura mbi 40 gradë në pjesën më të madhe të Mbretërisë së Bashkuar.
“Bazuar në këto parashikime, kur fëmijët tanë të jenë në moshën tonë, ata do të dëshirojnë një verë ‘të ftohtë’ si viti 2022, sepse shumë kohë përpara fundit të shekullit, nxehtësia mbi 40 gradë nuk do të jetë asgjë anormale në botën e ndryshuar nga klima, që do të trashëgojnë”.
Dhe ai deklaron: “Është vetëm fillimi. Por le të jemi të qartë, nuk është alarm. Nuk është ajo që mohuesit duan ta quajnë ‘climate-porn’. Thjesht kështu janë gjërat”.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje