.png)
Në pamundësi për të kaluar projekt-rezolutën që ai ka paraqitur që në fund të muajit maj për dënimin e gjenocidit serb në Kosovë, (pasi PS-ja nuk e ka përfshirë në axhendë parlamentare), Enkelejd Alibeaj ka propozuar dy amendamente tek një tjetër projekt-rezolutë ajo e PS për kundërshtimin e raportit të Dick Marty mbi trafikimin e paligjshëm të organeve njerëzore në Kosovë dhe Shqipëri.
“…Në vijim pas togfjalëshit “Kuvendi i Republikës së Shqipërisë”, të shtohet një paragraf me përmbajtje si vijon:
Duke konstatuar se Republika e Serbisë po mundohet t’i shmanget përgjegjësisë, duke u fshehur pas sajesave, të cilat kërkojnë të paraqesin para botës viktimën për agresor, Kuvendi i Shqipërisë dënon genocidin, spastrimin etnik dhe masakrat e kryera nga ushtria serbe me urdhër të Sllobodan Milloshevicit mbi civilët e pafajshëm të Kosovës”, thuhet në përmbajtjen e dokumentit që Alibeaj ka dorëzuar një ditë para se projekt-rezoluta e PS të miratohet në Kuvend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje