.png)
Gazeta Si – Rusia ka zgjeruar objektivat e saj ushtarake përtej Ukrainës lindore, duke hedhur sytë në rajone të tjera, sipas agjencisë së lajmeve “Reuters”.
Dorëzimi i armëve nga Perëndimi në Ukrainë ka shkaktuar një zhvendosje nga Donjecku dhe Luhansk në rajonet jugore, disa prej të cilave tashmë janë nën kontrollin e forcave ruse.
“Ne nuk mund të lejojmë që pjesa e Ukrainës që do të kontrollojë Zelenskij, ose kushdo që do ta zëvendësojë atë, të ketë armë që do të përbëjnë një kërcënim të drejtpërdrejtë për territorin tonë dhe territorin e atyre republikave që kanë shpallur pavarësinë e tyre”, tha ministri i Jashtëm, Sergei Lavrov.
Sipas Lavrov, zona e ndërhyrjes ishte ndryshe gjatë negociatave të para midis Moskës dhe Kievit, të mbajtura në Turqi në fund të marsit.
“Tani gjeografia është ndryshe. Është larg nga vetëm DPR dhe LPR (Republikat Popullore të Donjeckut dhe Luhansut), është gjithashtu rajoni Kherson, rajoni i Zaporizhias dhe një sërë territoresh të tjera dhe ky proces vazhdon në mënyrë të vazhdueshme dhe këmbëngulëse”, tha Lavrov.
Sipas tij, në këtë fazë të luftës, “bisedimet me Ukrainën nuk kanë më kuptim”. Ndërkohë, presidenti rus Vladimir Putin, akuzoi sot Kanadanë se ka vonuar vullnetarisht kthimin në Rusi të një turbine për funksionimin e gazsjellësit “Nord Stream”.
Putin, e argumenton këtë, sepse vetë vendi i Amerikës së Veriut është një prodhues i rëndësishëm i energjisë dhe për rrjedhojë një konkurrent i Moskës.
Agjencia “Tass”, citoi duke shtuar se presidenti gjithashtu shprehu dyshime për “cilësinë e rishikimit” të kryer në Kanada për pajisjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje