.png)
Partia Socialiste ka nisur përgatitjet në bazë për zgjedhjet vendore të vitit të ardhshëm me identifikimin e personave me influencë dhe reputacion në komunitete.
Direktiva për nisjen e punës iu dha fillimisht kryetarëve të rinj të partisë në 61 degët e reja të ndara sipas 61 bashkive, por tërthorazi u është përcjellë edhe kryebashkiakëve socialistë në 60 bashki.
Në pjesën më të madhe të bashkive socialiste, puna për identifikimin e personave dhe mjeteve që do të sigurojnë vota në zgjedhjet e vitit të ardhshëm ka nisur dhe për këtë foli edhe kreu i Bashkisë së Skraparit, Adriatik Mema.
Ky i fundit prezantoi para Edi Ramës arritjet e bashkisë që drejton, objektivat dhe në fund u ndal te konteksti politik.
“PS ka fituar rreth 3 500 vota në zgjedhjet e kaluara. Ne synojmë që të marrim mbi 4 500 vota dhe për këtë kemi nisur punën që tani. Janë evidentuar në çdo fshat njerëz që kanë influencë dhe reputacion”, deklaroi Mema.
Kryebashkiaku i Skraparit foli gjatë takimit të thirrur nga Edi Rama me krerët e bashkive socialiste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje