.png)
Mbledhja e Kryesisë së Partisë Socialiste ditën e sotme përfundoi me propozimin për shkarkim të 11 kryetarëve të degëve në rrethe, për mospërmbushje detyrash e objektivash, neglizhencë dhe shthurje në ato degë bashkiake ku drejton opozita.
Në një prononcim të shkurtër për mediat, kreu i grupit parlamentar socialist, Taulant Balla për shkarkimet u shpreh se “janë çështje të brendshme të organizimit tonë”.
Ai kërkoi nga mediat që të përqendrohen më shumë te mbyllja e pikave të basteve.
“Unë jam krenar që pasnesër në Kuvend votohet shfarosja pranë shkollave dhe dyqaneve të bukës të një mortjeje siç kanë qenë pikat e basteve. Ftoj edhe mediat që të solidarizohen me këtë nismë”, u shpreh Balla.
Pas miratimit në Kuvend ditën e enjte ashtu siç është planifikuar, ligji do të nisë zbatimin më 1 janar të 2019-ës ku do të mbyllen të gjitha pikat e basteve dhe kazinove.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje