.png)
Ilir Meta është në orët e fundit të Presidencës pesëvjeçare dhe e mbyll atë me foton familjare (pa Monika Kryemadhin) duke përcjellë një mesazh të shkurtër.
“Ishte një nder dhe privilegj i jashtëzakonshëm të shërbeja këto pesë vite si President i Republikës së Shqipërisë. Uroj për atdheun e Kombin tonë më të mirën! Paqe, mbarësi për çdo familje shqiptare”, shkruan Meta.
Mesazhi i Metës përmbyll Presidencën jo fort të qetë pesëvjeçare të tij. Pasdite, Bajram Begaj do të marrë zyrtarisht detyrën.
Në orën 18:00 është thirrur seanca e Kuvendit ku Begaj do të betohet dhe pas kësaj ceremonia e marrjes së detyrës në Presidencë. Partia Demokratike nuk ka dalë ende me qëndrim zyrtar nëse do të marrë pjesë në seancë apo jo. Por, kreu i grupit parlamentar, Enkelejd Alibeaj ka qenë i pari që ka deklaruar pjesëmarrjen.
Agjenda
18:00 – Seanca e betimit të Bajram Begajt në Kuvend
18:45 – 19:15- Mbërritja e të ftuarve në Presidencë
19:15 – Mbërritja e Presidentit të Republikës SH.T.Z. Bajram Begaj në Presidencë
19:29 – Presidenti i Republikës SH.T.Z. Bajram Begaj bashkë me ish-Presidentin e Republikës SH.T.Z. Ilir Meta, dalin nga Presidenca dhe zënë vend në tribunë
19:30 – Luhet Himni Kombëtar nga Orkestra Frymore e Forcave të Armatosura, shoqëruar nga 21 të shtëna topi
19:35 – Znj. Vitore Tusha, Kryetare e Gjykatës Kushtetuese i dorëzon Presidentit, Kushtetutën e Republikës së Shqipërisë.
19:40 – Fjala e Presidentit të Republikës, SH.T.Z. Bajram Begaj.
19:50 – Largimi i ish-Presidentit të Republikës, SH.T.Z. Ilir Meta
19:53 – Komandanti i Truprojës së Nderit i Forcave të Armatosura i paraqet forcën Presidentit. Kalim në revistë i Presidentit.
19:58 – Presidenti i shoqëruar nga familja hyjnë në Presidencë
20:00 – Pritje zyrtare në oborrin e Presidencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje