.png)
Qeveria do të ngrejë një Këshill Ndërministror me qëllim garantimin e vazhdimësisë dhe mirëkoordinimin në procesin e negociatave me Bashkimin Europian.
Kryeministri Edi Rama mblodhi këtë të shtunë ekipin negociator me në krah, kryenegociatoren Majlinda Dhuka dhe ministren e Jashtme, Olta Xhaçka.
“Të ngremë një Këshill Ndërministror për çështjen europiane që të garantojë vazhdimësinë në diskutimet e brendshme për qëndrimet dhe ecurinë e negociatave. Është një proces intensiv dhe sfidues dhe kërkon thellësi të madhe ndërveprimi dhe koordinimi”, u shpreh Rama.
Rama falenderoi ish-kryenegociatorin Zef Mazi, që tha se bëri një punë të lavdërueshme diplomatike deri në momentin që u vendos hapja formale e bisedimeve të anëtarësimit.
“Por, tani procesi është teknik dhe ne na duhen teknicienët dhe dua që ekipi shqiptar të lëvdohet atje në Bruksel për cilësinë e aftësinë e tij”, u shpreh Rama.
Sipas Kryeministrit, në krahasim me vendet e tjera të rajonit që i kanë hapur negociatat, si Serbia e Mali i Zi, Shqipëria ka avantazhin që në disa fusha ka përparuar duke mos pritur hapjen e negociatave. Këtu ai përmend reformën në drejtësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje